Bloq
Diz ağrınızın səbəbi ayaqda ola bilərmi?
Qısa cavab
Bəzi hallarda, bəli. Ayaq yerə düzgün basmadıqda bədən tarazlığı qorumaq üçün kompensasiya edir və bu, dizə və belə əlavə yük sala bilər. Diz ağrısının çoxlu başqa səbəbləri də var: travma, oynaq xəstəlikləri, yeniyetmələrdə böyümə ilə bağlı problemlər. Ona görə əvvəlcə dəqiq səbəb müəyyən edilməlidir.
Diziniz ağrıyanda ilk nə edirsiniz? İynə, məlhəm, masaj? Mərkəzin bu paylaşımında başqa sual verilir: problem doğrudanmı dizdədir?
Biomexanik zəncir. Ayaq, diz, çanaq və onurğa bir zəncir kimi işləyir. Pəncə düzgün basmadıqda:
- bədənin balansı pozulur;
- bədən kompensasiyaya keçir, bəzi əzələlər həddindən artıq işləyir;
- diz oynağına qeyri-bərabər yük düşür;
- onurğa öz təbii xəttindən çıxa bilər, bel ağrıyır;
- eyni şikayətlər təkrarlanır.
Ağrıkəsicilər müvəqqəti rahatlıq verir, amma səbəb aradan qalxmırsa, şikayət qayıda bilər. Sağlam Addımda diz və bel ağrısı ilə gələn pasiyentin ayağı da qiymətləndirilir.
Nə vaxt əvvəlcə həkimə? Travmadan sonra ağrı, dizdə şişkinlik, qızartı və istilik, dizin «kilidlənməsi», ayağa basa bilməmək, hərarət. Bu hallarda əvvəlcə ortoped-travmatoloq müayinəsi lazımdır.
Sual-cavab
Diz ağrısının səbəbi ayaqda ola bilərmi?
Bəzi hallarda bəli: ayağın içə basması və ya yükün qeyri-bərabər paylanması dizə əlavə yük salır. Diz ağrısının başqa səbəbləri də var, ona görə həm diz, həm də ayaq qiymətləndirilməlidir.
Bu məqalə maarifləndirmə məqsədi daşıyır və müayinəni əvəz etmir. Tibbi xəbərdarlıq